「Y’s Concept客戶完工訪問」

日期: 2015年5月11日

記者: Cloris Ng

嘉賓: 尹祖伊

「Y’s Concept客戶完工訪問」

日期: 2014年10月04日

記者: Cloris Ng

嘉賓: Sami Yim Egersperger

地點: Sami & Charlie’ s Home

Cloris: 你對我地公司既設計滿唔滿意呢？有邊樣比較深刻呢？

Sami: 其實各方面都好滿意，我冇諗過一個設計工程係可以照顧我各方面，不單係照顧設計上，固然個設計已經非常好，我從來都唔會去擔心個設計。但仲會照顧我地兩個屋主既感受，會問鐘唔鐘意呀，舒唔舒服呀，呢點真係令我地非常深刻。

Cloris:  你對我地公司既工程進度滿唔滿意呢？例如有無按時完工、遲左起貨之類？

Sami: 又要好坦白講，真係在時間上非常滿意，因為好特別好岩地呢段時間我和老公飛去外國結婚，因為一confirm個Job，第二日已經收到你地個Time Schedule，第三日就已經收到Initial Draft。我老公都好Impressed！真係咁快有得睇。之後我地飛左，跟住我啲屋企人都有問，需唔需要佢地睇住個工程，我地話唔需要啦。咁之後成個工程都係跟住個時間表去行，你地又分得時間好清楚，例如幾時清場，上油，清潔。On and Off，你地又會send相俾我地睇。所以我地都好Impressd你地所有野都好有速度，好有效率。

Cloris: 其實我地做工程都重要係令客人安心，而我地又唔太建議客人落地盤，因為涉及危險問題，但客人始終都會擔心工程進度，而我地唯一可做，就係令客人安心，我地會提供工程既Schedule俾佢地，清楚寫上日期，俾佢地知道時間點樣分配，另外就要令客人了解現場環境，就會keep住send現場相俾客戶，等佢地放心工程係按Schedule進行緊。

Cloris: 你對我地公司既工程團隊既手工又滿唔滿意呢？例如做唔做到你想要既效果呀？或者同設計圖出入大唔大呢？

Sami: 用返我老公既講法，現場環境跟足之前你地俾我地既電腦圖。我都係從事設計方面，知道出黎既野好難控制得好好，電腦設計出黎個圖可能好靚，但入到屋好難會一樣，但我真係好Suprise，我初初睇到既圖，竟然可以成件實物出返黎，顏色擺位都可以一模一樣。

Cloris: 你對我地公司整體服務及收費又滿唔滿意呢？

Sami: 真係跟到我既預期，剛剛忘記講師傅，個個師傅都好有禮貌，好專業。服務非常好。而在Budget上都非常安心，非常放心，因為都知道工程好多時做做下呢度又加啲果度又加啲，都有擔心工程最後會唔會又要額外收多好多錢，但一路路你地既Feedback令我地冇擔心過。On Schedule， On Time，On Budget。

Cloris: 關於滿意程度，1分最底分，10分為滿分，咁你會俾幾分呢？

Sami: 我地一定會俾15分，5分係俾你地Bonus分。